Puntamika.com

četvrtak, 09.08.2007.

ni nan lako eto sinoćka mlade potukle još i mlađe. e ni se lako boriti s tin kvazi mladin jerbo su one ispekle svoj zanat već odavno u ratu protiv storih a ala ala barem smo se nasmijali, ali za drugi put znaju ve zelene mlade da se na puntamiki bori prljavo i nisko i da ki nema pinjurice gubi, vazda je tako bilopa će siguro i ostati tako

srijeda, 01.08.2007.

nju ni briga ćo una moja gre dna godišnji biće su zato požari svugder. Ali una se ne obadiva i još se spremo za feštu ali neće da prizna bićeće konop povlačiti siguro i nju ni briga kako će moje kosti to izdržati ni kako ću spati u četvrtak

ponedjeljak, 30.07.2007.

Punta zjutra Dobro jutro rodni ljudi , vo zjutra je samo simbolično jerbo su mi jutros priseli vi turisti. Ma koga vraga ne spu do 10 pa na odmoru su jbg

petak, 27.07.2007.

ALA ala Mati moja ča nison tajkun da malo ispod smokve sedin i j... ladin, Ona moja pošla na otok sa sprton i onin njenin i ostavila me na milost i nemilost vikendu a ja ka muha bez glove nišće samo bujin u vu škatulu u žepu nišće, piti nemoren i eto ti nesriće zjapin cilu šetemanu kad će taj petak i vo je doša a ............žuna bar toća noge u lipomen čistom moru a menin vode turisti (bog blagoslovi njihove eure) piš.. i kenj.. ravno di jo plivon e da san tajkun na ugljan bi pošo i plati nekog da mi puše u g........................................... dan dva

Brodarica pozdrav susjedu

nimo tice do prasice Ćo kažu da smo mi lini narod, da izbjegavamo raditi i samo muljamo. Ma da ti pravo kažen kad pogledan ovaj ritam s posla na posa za pišljivu plaću moran i priznati da i linost nije loša. Jerbo kad obavin sve poslove i odradin sve ma lipo ti kažen dojde mi da legnen i ča eto ti dana. Ma uz linost se naspovaš, odgledaš dve tri serije vidiš kumpaniju plivoš ideš i se..... i ča faliti šoldi ma KI JE TU PAROLU UVE MAJ....... MU SIGURO NIKI POLITIČAR jer vako ka radin nišće nimon a ponajmanje šoldi. Izida me to, a umor me deprimira. Stori su znali ki neće kopati neće imatei što za isti, a sad nišće neznoš jerboa ki rodi i kin ne rodi nemo za isti lipih bokuna… Triba prajac biti i krosti , biti lupež ka svi vi tajkuni za dobro živiti. Oni su se nalapali i sad j… češu i zapovidaju non. A mi mali judi uvik smo mali ma koja god zastova vijorila. Mili bože što me mati ni prascon napravila. Ma jopet kad sve zbrojin menin je lipše, magari spin u miru i oni nikad neće doživiti da in se mistune pisma širi…eto ka kod nos sinoć. Mili bože lipolije, na sve kantune imaš muzike. Namo unc-unc, ka sve za mlode. A u Lovre su noši starješine zapivali pisma se mislin do Dikla orila…a naše vridne su sredile okoliš, jerboa se fešta bliži i ne znon jer su zapivale od mule ili veseja ma pivale su i bilo je lipo čuti. Eto naše molo misto i bez eurov o turista dobro živi……je teško ma uvik kad ti dojde teško kulu srca moreš nekog ogovarati i mah bolje bude

utorak, 24.07.2007.

I JOŠ UVIK JUŽINA NE VERUJEN DA IMA NEKO KI NI JUŽINU OSITI I SVE ZVIZDE PRIBROJI NE FUNKCIONIRAN I MRZIN SVIT OKO SEBE,FALA TI BOŽE JOŠJEDANPUT ŠTO MI NJIVA PRAZNA ZJAPI JER NE ZNAN KAKO BI SOVIN IMBERLANIN RUKAMIN I JUŽINAVON GLAVON TEŽAČKE POSLOVE ODRAĐIVA A KAMOLI JOŠ I GLAVON MISLIT

južina kad je ovako ,mislim južina najbolje sisti zatvoriti oči i prepustiti se fjaki jerbo ništa pametno se nikad po južini ni učinilo

nedjelja, 22.07.2007.

a fešta Danaska je bilo impresivno dozlaboga.Dogodovštin na svih stan. Ćo puste poplave i … u svitu, a mi se ponašamo ka da ni to sve naša stvar. Ćo objavljena je ona knjiga o onom malom čarobnjaku Harry Potteru i cili svit je poludi za tin. Skoro se potukli za maloga vraga , neki su i plakali jer su mislili da je umra, a kod nas niti vlat trave zbog toga ni zatreperila. Mi smo bili svi na fešti u Diklu koja da van pravo kažen i nije bila neka feštica( čini mi se kako da su oni to napravili priko one stvari). Otili se mi malo osvježiti s nekin pićun,slabo o isti da i ne govorin. Priznajen ideja je svjetska i triba ju podržati no tribamo li uvik biti Dalmatinci lini. Početi pa pustiti da nas fjaka uvati na pola puta.Sve je to dobro i inatiti se triba voj državi što nam ne da ni kruha ni igara, ali kad se već inatimo i prkosimo dajte ljudi još malo force pa izmuzimo sve što se izmusti more,.. Ma kako su se dica posvadila to tribaš vidit, kid a su smrtni neprijateji, a samo ih ono zere hotela dili. Nikako Dikjanci i Puntamičani na zelenu granu,valjda se svaka dva pokoljenja moraju covati da bi ovi rođeni između mogli zajno šurovati. Ni da prigovaran, nisan ja zmija ljutica, samo komentirani i : ˝Svaka čast judi ča ste iamli voje to urediti i odraditi!!!˝ Ja znan da ni svima do fešte i tih piz.... arija ali ko tebi ni do tog je drugiman i zato bi bilo boje da oni što bojkotiraju začepe gubici i malo odmore dok se šušur ne završi. Ma da se spomenen opet onog malog čarobnjaka, hotila san reći kako cili svit luduje sad za tin a u nas njanke bado niko : znači li to da smo više nezainteresirani ili više glupi nego ostali svit ili da što?? Ma kako je to sve čudno kod nas, svit se trese a mi ležimo kaj i prasci na plaži i čekamo kad će neko pečenje i šušur.... Ti moja nerazumin ja to. . p.s. unaj mali što je s pršuton umore skoči, ni on baš sasvin svoj, ni mi ža njega i gaća ali pršuta bome je

subota, 21.07.2007.

štorija Štorija je počela vako Hotili smo nešto napraviti ma nas niko ni badiva. Za store smo mlodi a za mlode stori. A došlo je takovo vrime da te više furešti cine nego vlastita krv. A falabogu ima fureštih na sve strane tako da ću magari vo lito biti uzorita i poštovana… Ni van lako živiti na Punti, vode svak svoju politiku vodi, ma je da imamo i sunca i mora( ma moreš pjunuti u njega koliko je blizu) ,i imamo i zemje puno okolo( mili bože jedva čekan to prodati) imamo i muhte ribe(samo vraga triba je uloviti) i puno drugih lipih stvari.Ma nemamo poleta. Mi volimo kada nam sve u krelo sleti, ritko se more pofoliti da se uznoji u zanjih dvajs godin. A naši su stari uvik govorili ;˝Dico pošteno radite, familiju čuvajte i budite dobri pa će van Bog vratiti!˝ Ma ne sićan se da je koji stari baš se drža tog postulata pa smo malo po malo prominili štoriju i ušli u začarani krug onoga ˝ Isti, piti …˝ Ma nim lako taj pritisak izdržati jerbo zemlje iman ali neraste na njoj ni njanci pamedor, a falabogu trove ima( ma ne one trove za veselje) nego obične trove,korova. A namo di je klipa zenja namo mi je hotel (ma da se razumimo ni to moj hotel,ja samo tako volin reći).Motika mi procvitala ima već dugi niz godin, falabogu iman smokov, one same rostu ma od njih nemoreš živiti. Ma sve mi je nekako teško i muka i zato najvolin sisti u kafić i pustiti brige na veselje i mah mi je lipo. A zato je i počela va štorija, jerbo sidin u kafiću već duže vrime pa je šteta da čagoli ne zapišen.... Teško je sve ojedanput staviti na vaj tobože papir, kada ima puno stvari na pameti a falabogu samo pokoja pametna. Kako vrime odmiče sve mi se više čini da je život bi puno boji prije. Svi su se karali(ne znači to ono što vi mislite... to vam je svađanje ali kada kažem karanje to imo puno veću vridnost) i svašta su činili i dišpeti i dobro ali su se bar držali zajno,danas toga nemo danaska se ova omladina drži zajno samo kad iz iste boce potežu.Nikako su ti stariji judi znali uživati u neradu i radu( višeu neradu). Ma nemojte me krivo shvatiti i denaska znaju uživati svi ali nekako kao da je to sve u sklopu učmale svakodnevnice a ne u radust života ( carpe diem) a ne da teebe dan iskoristi...... Držte tu misao nastavak slijedi ........e i sitila san se omah marije letrikinke, ubime ko znon zašto

<	kolovoz, 2007
P	U	S	Č	P	S	N
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Kolovoz 2007 (2)
Srpanj 2007 (11)

Dnevnik.hr
Gol.hr
Zadovoljna.hr
Novaplus.hr
NovaTV.hr
DomaTV.hr
Mojamini.tv